Vawiin khan Pi Sairengpuii, Secretary, Tourism, etc Office Chamber-ah November 30 leh Dec nikhata Thalfavang Kut hmanna tur Programme buatsaih a ni a; he hun hi hlim taka hmang turin Mizote boruak mil thei ang bera kalpui tum a ni.

Thalfavang Kut hmanna atan Hmuifang tlang thlan a nih avangin chhun dar 12-a tan hman tura thlen hma theuh a ngai ang. Hemi ni hian Khuallian atan Pu Zodintluanga, Minister a ni ang a, Chairman atan Pu H. Zothangliana, Parliamentary Secretary for Tourism a ni ang.

Kut ni khatnaah hian a tam thei ang berin zaipawl, Solo, Group zai leh Hnam zai leh lam chi hrang hranga hun hman tum a ni a; pawnto te, leh intihhlimna programme nuam taka hman tum a ni.

Kut ni hnihna, December ni khatah chuan khual liana tan Tourism Minister Pu S. Hiato chu khuallian a ni ang a, Pi Sairengpuii, Secretary-in hun a kaihruai ang. Hemi ni hian a tam thei ang ber Krismas lam hawi hla sak tam tura ruahman a ni.

He hun hlimawm tak hmang turin Bru lam te, Khuallam leh Mizo lam chi hrang hrang entir a ni ang a; Mizoram khaw kilkhawr tak tak atang pawhin hun hmang tura sawm an ni a; Mizo zaithiam lar an kim thawhkhat hle tura beisei a ni.