Vawiin chawhnu dar 3:00 khan Working Committee on Operationalisation of Referral Hospital member-te chuan Working Chairman Pu S.Laldingliana, Parliamentary Secretary, Health & Family Welfare Department hovin Falkawn Referral Hospital an tlawh leh a. He hunah hian Falkawn Referral Hospital Clinical Department hrang hrang insuan luh fel thuai a nih theih nana thil tul leh mamawh te an enfiah a ni.

Working Committee hian Pu S. Laldingliana, Parliamentary Secretary Pisa-ah meeting an neih tawh bawhzuiin tunlai hian ngawrh takin hma an la mek a, November thla ral hma ngeiin heng department 5 Medicines, Surgery, Padaetrics, Dental, Gynaecology, Anaesthesia te hi sawn luh hman ngei an nih theih nan theihtawp an chhuah mek a. Review Meeting pawh October ni 31 ah neih leh tura beisei an ni.

Vawiina Falkawn Referral Hospital tlawhtute zingah hian Working Chairman Pu S. Laldingliana, Parliamentary Secretary bakah Dr. Ramfangzauva, Director Health Services leh Health Department hotu pawimawh te an tel a ni.