No.7395/2020-2021 

National Water Mission hnuaia ruahtui tla khawlkhawm vawnhima tangkai taka hman  inzirtirna 'Catch the Rain Campaign' chu Champhai district-a kalpui turin vawiin khan Champhai Bawrhsap Pi Maria C.T. Zuali chuan a Pisa-ah a hawng. He hunah hian he campaign kalpui tur Nehru Yuva Kendra Sangathan (NYKS) Champhai District Youth Officer Pu Dinesh Jangid leh a thawhpuite an tel a ni. 

Bawrhsap Pi Maria C.T. Zuali chuan ruahtui khawlkhawma vawnthat a pawimawh zia sawiin, mipuite zirtir kawngah NYKS chu theihtawp chuahpui a inhuam thu a sawi a. Tawnhriat leh ngaihdante sawiin, hlawhtling taka Catch the Rain Campaign neih anih theihna tura beihpui a tum thu NYKS hotute a hrilh a ni.  

Catch the Rain Campaign  hmang hian mipuite hnenah ruahtui khawlkhawm leh vawnhim thatnate zirtir tum a ni a. He Campaign hi NYKS leh an hnuaia Volunteer te'n hmalakna hrang hrangte neiin an kalpui dawn a,  Champhai district  chu ruahtui tlaah thui tak a innghah avangin ruahtui khawlkhawm leh hman dan inzirtir hi a tul hle a ni.

Attachment

  • Loading attachment...