1638/2024-2025
Champhai, 19th August 2024: Champhai Bawrhsap Pu VL Remliana chuan Sec. 163 Bhartiya Suraksha Sanhita (BNSS) in thuneihna a pek angin, Champhai District chhungah ram dang atanga kuhva ro lak luh, dah khawl, phurh chhuah leh district chhunga phurh kual khap tlat anih thu a chhuah.
Mizoram sawrkar, Home Department atanga thu kan dawn angin, ram dang atanga dan lova kuhva ro lak luh hian a tha lo zawnga kan state economy-ah nghawng a neih avangin khap a ngai a;
Chuvangin, kei, V.L. REMLIANA, DISTRICT MAGISTRATE, CHAMPHAI DISTRICT chuan Sec. 163 Bhartiya Suraksha Sanhita (BNSS), 2023 in thuneihna min pek angin a hnuaia khapna thupek hi ka chhuah e.
1) Champhai District chhungah ram dang atanga kuhva ro lak luh khap tlat a ni.
2) Champhai District huamchhungah dan lova ram dang atanga kuhva ro lak luh dah khawl, phurh chhuah leh district chhunga phurh kual khap tlat a ni.
He thupek zawm lo tu chu Sec. 221 Bharatiya Nyaya Sanhita (BNS), 2023 hmanga hrem an ni ang.
He thupek hian chhuah a nih atanga thlahnih (2) chhung a huam ang.
He thupek hi District Magistrate Seal nemin vawiin ni 13th August, 2024 hian hming ka ziah hnan e.
