1637/2024-2025

Dated Hnahthial, the 17th August, 2024: Tukin zing khan Home Minister Pu K. Sapdanga chuan Hnahthiala Police SP leh Fire hmunhmate enfiahin lei min na hmun leh bawlhlawh paihna hmun te a enfiah nghal bawk. Minister hi Hnahthial bialtu MLA Pu Jeje Lalpekhlua chuan a tawiawm a ni.

Home Minister Pu K Sapdanga chuan Hnahthial District a SP leh Fire Department hmunhma chu enfiahin office changtlung zawk a awm theih nana hmalakna awm theih dan turte chu Hnahthial SP Pu Shivendu Bhushan nen an en ho va. Police leh Fire ramte a tlawh hnu hian Saithah kawnga bawlhlawh paihna leh KVK Farm kawnga Hnahthial bawlhlawh paihna hmuhmate chu thlithlaiin felfai zawka bawlhlawh tih riral a nih theih dan tur bakah mipuite tana hnawksak lo leh ram leilung tana pawi lo tura bawlhlawh paih dan turte chu a hmunah officials ho nen an en ho bawk a. Hemi hnu hian Pu Rokima in bul kawr lei tawlh leh Hnahthial field ko chhak min te chu a hmunah tlawhin chhiatna nasa zawk a thlen loh nan a hmalak dan tur te sawi ho a ni.

Hmunhma hrang hrangte Home Minister hian a enfiah zawh hian Aizawl lam pana chhuak tura ruahmanna siam a ni.