1636/2024-2025

Khawzawl, dated 17th August, 2024: Vawiin dar 1:00 am khan Tualpui Junction leh North Khawbung inkar kawngah dan lova tawlh ruk kuhva (dry areca nut) trip 17 chu ASI Pu C. Lalremkima, Khawzawl Police Station leh a team ten an man. Kuhva rah man zawng zawng hi bag 503 niin cheng vbc 1.16 (₹1,16,55,000) man hu vel a ni.

Kuhva man hi Khawzawl Deputy Commissioner, Pu K. Vanlalthiana leh Khawzawl Superintendent of Police, Pu Lalchhuanthanga ten an enfiah a, Khawzawl Police Station in hetiang zat an man thei hi fakawm an ti hle a, DC thuchhuah hnu lawka hetiang a thleng erawh pawi an tih thu an sawi.

Khawzawl Police Station-ah kuhva rah man hi chhui chhunzawm nan dah rih an ni a, District Magistrate hnenah vawiina thawn tum a ni.