1886/2024-2025
Champhai, 4th September, 2024: African Swine Fever laka mipuite an him zawk nan Bharatiya Nagarik Suraksha Sanhita Sec. 163-na in thuneihna a pek angin Champhai Bawrhsap Pu VL Remliana chuan Champhai District chhungah ram dang, state leh district dang atanga vawk, vawksa leh vawksa atanga siam lak luh khap a nih thu a chhuah.
Tunlai hian African Swine Fever (ASF) hri chu kan thenawm ramah leh Mizoram a district hrang hrangah te a leng mek tih hriat a ni a. Chuvangin he hri laka Champhai District kan him theihna tur leh he hri kan district a a darh zel loh nan khapna chhuah a ngai a;
Chuvangin, kei, V.L. REMLIANA, DISTRICT MAGISTRATE, CHAMPHAI DISTRICT chuan Sec. 163 Bharatiya Nagarik Suraksha Sanhita (BNSS, 2023) in thuneihna min pek angin a hnuaia khapna thupek hi ka chhuah e.
Champhai District chhungah ram dang, state leh district dang atanga vawk, vawksa leh vawksa atanga siam lak luh ka khap tlat a ni.
He thupek zawm lo tu chu Section 223 Bharatiya Nyaya Sanhita (BNS), 2023 hmanga hrem an ni ang.
He thupek hian chhuah a nih atanga thlahnih (2) chhung a huam ang.
He thupek hi District Magistrate Seal nemin vawiin ni 3rd September, 2024 hian hming ka ziah hnan e.
