1887/2024-2025

Siaha the 4th September 2024: Ministry of Housing & Urban Affairs hnuaia Swachh Bharat Mission (U) 2.0 hnuaiah Safai Apnao Bimaari Bhagao (SABB) Campaign, chu tluang taka neih zawh a ni.

Pu Vanlalchhuanliana, Nodal Officer, SBM(U) Siaha ULB, DPO, Siaha kaihhruainain SABB Campaign hi tluang taka neih a ni a. Campaign hun chhung hian Vantlang tihfai hnatlang te, Self Help Group Member hnatlang te, Government Office tihfai hnatlang te, zirlai naupangte nen faina hnatlang te neih a ni a, faina inzirtirna hun hman thin a ni bawk.

UD&PA, Siaha, Health & Family Welfare Department leh PHED, Siaha tangkawp ten Siaha khawchhunga Anganwadi Centre leh Sub-Centre tin ah Awareness Campaign hi neih a ni a, Awareness Campaign-ah hian 'Stop Diarrhoea Campaign' leh 'Safe Drinking Water Campaign' kalpui nghal a ni. Tin, Siaha khawchhunga mipui tui tlan lai tuikhur te a thianghlim leh thianghlimloh hriat nan kartin PHED, Siaha ten Water Quality Test an nei thin bawk.

UD&PA, Siaha leh LAD Department (MADC) tangkawpin Siaha khawchhunga School zawng zawngah Cleanliness Awareness Campaign neih a ni a. Siaha khawchhung faina kawnga hma a sawn a, mipui hriselna a lo that zel theih nan SBM(U) hnuaia vantlang ekin zawng zawngte Self Help Group ten tihfai hnatlang thawkin hmanrua tha tawklo te dah belh a ni bawk.

UD&PA, Siaha leh LAD Department (MADC) te tangkawp vekin Single Use Plastic endikna neih niin hman khat daih Plastic tam tham tak man a ni a. Tin, Siaha khawchhunga Garbage Vulnerable Point-te thenbo hna te thawh niin tluang takin SABB Campaign hi khar a ni.