3721/2024-2025

Champhai, 8th January 2025: Vawiin khan Champhai Bawrhsap, District Election Officer ni bawk Pu VL Remliana chuan Village Council Inthlanpui 2025 neih tura hman tur Champhai District VC Electoral Roll chu DC Conference Hall, Keifangtlangah a tlangzarh.

Champhai Bawrhsap Pu VL Remliana chuan he huna kalkhawm political party, MJA leh tlawmngai pawl aiawhte hnenah lawmthu a sawi a. Electoral Roll felfai a awm theih nan sawrkar, political party, khawtlang hruaitute leh tlawmngai pawl ten thawhhona tha an neih a ngaih thu a sawi bawk.

He hunah hian Electoral Registration Officer, PD DRDO ni bawk Pu James Lalnithanga pawhin thu sawiin Electoral Roll a luh diltu ten form uluk taka an fill-up a tul tih a sawi a. He mi kawngah hian BLO, khawtlang hruaitute leh political party te thawhpuina a ngen a ni.

Pu Ngulzathuama , Election Officer in a tarlan danin Final Electoral Roll-ah hian Champhai District Assembly Constituency 3 ah hian in 17206 awmin vote nei mi 55443 an awm a, an zingah mi 26,885 chu mipa niin mi 28,558 te chu hmeichhia an ni thung a, mipa aiin hmeichhia 1,673 in an tam zawk a ni. Draft roll tihchhuah hnuhnung ber aiin vote 1,883 in final electoral roll ah hian vote nei an pung a, mitthi leh awmhmun sawn avanga vote paih 1,685 an awm a ni. Champhai District-ah hian Village Council 62 a awm a, vote tam berna hi Bethel veng niin vote nei mi 2562 an awm a, Vote tlem berna hi Hruaikawn niin vote nei mi 129 an awm bawk a ni.

Draft Electoral Roll hi ECI Roll 2022 behchhan a siam niin, November ni 22, 2024 khan tlangzarh a ni a. November ni 25 atanga December ni 9 chhung khan inziaklut duh leh sawisel duh nei tan hun hawn niin, he mi hun chhunga dilna lut te hi December ni 10-19 chhung khan ngaihtuah a ni a. Vawiinah Final Electoral Roll tihchhuah a lo ni ta a ni.

Vawiin Roll tlangzarhnaah hian sawrkar official-te bakah Political Party, tlawmngai pawl leh MJA aiawhte an tel.

Abstract Final Roll VCs Champhai.pdf