3720/2024-2025

8th January, 2025: Mizoram Youth Commission (MYC) leh HCL Technologies Limited te’n thawhhona thuthlung an lo ziah tawh bawhzuina kal zelah vawiin khan MYC Office ah LESDE Department, School Education Department leh Higher & Technical Education Department te'n meeting an nei.

HCL Tech hi technology company niin, ram hrang hrangah an inzarpharh a. Class-XII zo tawh te tan training an pe thin a.  IT Role atan thla 6 atanga thla 12 chhung training leh Associate Role atan thla 3 atanga thla 12 chhung an pe thin a, training chhung hian stipend an pe thin bawk a ni. Training zo te tan hian HCL ah hna a pe nghal thin a, graduation course online-in a zirtir thin bawk a ni.

Vawiin meeting-ah hian he hmalakna hi Mizo thalai te tan programme tha tak a lo nih ngei an beisei thu member te chuan an sawi a. Chumi atan chuan MYC leh a kaihhnawih Department pawhin theihtawp hmalak an tum thu an sawi bawk.