2158/2024-2025

Champhai, 21st September 2024: Tukin khan Champhai khawpui chhunga chawhmeh bazarna hmunpui ber, Champhai Bazarpui, Rahsi Veng, Vengthlanga sa leh thlai thar zuarte bukna leh tehna hrang hrang hmante endik a ni.

He hunah hian Pu CC Sakhawliana DCSO hovin Legal Metrology Department, Sub Hqtrs YMA, MHIP & Champhai Consumer hotu te an thawkchhuak a. Bukna dik lo hmangtute hnen atangin  - Non- Standard Spring Balance - 9 leh Beam Scale (2kgs) 1 te man a ni. 

Champhai DCSO Pu CC Sakhawliana chuan bukna dik leh diklo hi a khat tawka enfiah a nih fo tur thu leh Consumer ten an chanvo dik tak an chan ngei theih nan hma lak zel tum a nih thu a sawi a. DCSO chuan Consumer ten  an chanvo dik tak an chan ngei theih nan lungawi lohna neite chuan District Consumers Dispute Redressal Commision hmang tangkai turin a ngen bawk a ni.