Vawiin zing dar 10:30 khan India Independence Day vawi 62-na chu ropui takin Champhai Chhangphut Field-ah hman a ni a, Khuallian Pu J.H.Rothuama, Minister, Revenue, etc. chuan Hnam Puanzar pawtpharh in Parade Contingent 23 te chibai buk a chhang let a ni.
Khuallian chuan thu sawiin India ramin zalenna a neih atangin hmasawnna chhinchhiah tlak leh rotling hmuh tur tam tak a awm a, khawvel ram dang nen kan insumdawn tawnna pawhin hma a sawn chak hle a ni. Mizoram bikah pawh sawrkarin mipuite tan hma a lo lak tawhte, hmalak leh turte leh hmathlir tam tak a awm a ni tiin hei hi tipuitling turin sawrkar in chak takin hma a la mek a ni. A bikin Power a intodelh te, thlawhna, rail leh motor kawng inkalpawhna tha zawk siam te, mipuite tui thianghlim hnianghnar zawk pek te, hriselna lam leh insumdawnna changtlung zawk neihte a ni tiin hei hi chak takin kalpui mek a ni, a ti.
Khuallian chuan Champhai-ah pawh hmasawnna hmuh tur leh thawhtur tam tak a awm a ni tiin CSS hnuaiah NWDPRA Project 18, WDPSCA Project 9 leh IWDP Project 11 kalpui mek a ni a. PHE Department hnuaiah mipuiten tui thianghlim hnianghnar tak an neihna turin cheng nuai 7,58,81,000 neih fel tawh a ni a. Tin, Champhai Greater Water Supply Scheme tih changtlunna tur pawh hmalak chhoh mek a ni, a ti.
Champhai Civil Hospital pawh tihchangtlun chhoh mek zel a niin, khum 100 awmtheihna building thar sa turin contractor pawh thlan fel tawh a ni tiin, Higher & Technical hnuaiah Polytechnic dinna turin PWD kutah Cheng vaibelchhe hnih hlan tawh a niin, Automobile leh Food Processing Diploma course zir theih tura ruahman a ni, a ti. Champhai District chhung inkalpawhna lam hmasawnna atan pawh tunah hian nasa takin hnathawh mek a ni, a ti. Tin, Champhai in Kawlphetha hnianghnar zawka kan neih theihna turin theihtawp chhuahin hmalak mek a ni a. Khawzawl leh Champhai inkara 132 KV Line siam hna thawh chu chak taka kalpui mek a ni a. Champhai ah hian 132 KV sub-station pawh Rs. Vaibelchhia 24 senga siam tum a ni a ti. Khuallian chuan Khawzawl a 66 KV sub-statioin pawh 132 KV Level ah Upgrade tura hnathawh mek a ni a, Ngopa ah pawh 132 KV sub-station dah tum a ni tiin P&E Department Office complex siam tur pawh chak taka hmalak mek a ni, a ti.
Sawrkarin Champhai District hmasawnna turin R.D. hnuaiah theihtawp chhuahin hma a la a. NREGS hnuaiah kumin July thlengin ni 35 inhlawhna siam a ni tawh a. Chumi atan chuan Rs. Nuai 908.25 sem tawh a ni, a ti. Tin, miretheite tan Insak tanpuina IAY mi 146 hnenah pek a ni. Champhai District a Department hrang hrangte pawhin Champhai hmasawnna atan theihtawp chhuahin anmahni zawn theuhah ngawrh takin hna an thawk a ni. Sawrkar hian mipuite hamthatna tur leh kan ram sum leh pai dinhmun siamtha turin leh remna leh muanna vawng nung zel turin theihtawp a chhuah zel dawn a ni, a ti.
Chhun dar 12:00 ah D.C.Complex-a Jeriko Garden-ah Minister’s At-Home neih a ni a. Field lamah Independence Day Football Final Tlangsam Sporting Club vrs. Kanan S.C. ten an khel a ni. Independence lawmman Parade lawmman te hi Minister hian a sem nghal a, infiamna lam lawmman te chu Minister nupui Pi Denghmingliani’n a hlan a ni.
Khuallian chuan Champhai-ah pawh hmasawnna hmuh tur leh thawhtur tam tak a awm a ni tiin CSS hnuaiah NWDPRA Project 18, WDPSCA Project 9 leh IWDP Project 11 kalpui mek a ni a. PHE Department hnuaiah mipuiten tui thianghlim hnianghnar tak an neihna turin cheng nuai 7,58,81,000 neih fel tawh a ni a. Tin, Champhai Greater Water Supply Scheme tih changtlunna tur pawh hmalak chhoh mek a ni, a ti.
Champhai Civil Hospital pawh tihchangtlun chhoh mek zel a niin, khum 100 awmtheihna building thar sa turin contractor pawh thlan fel tawh a ni tiin, Higher & Technical hnuaiah Polytechnic dinna turin PWD kutah Cheng vaibelchhe hnih hlan tawh a niin, Automobile leh Food Processing Diploma course zir theih tura ruahman a ni, a ti. Champhai District chhung inkalpawhna lam hmasawnna atan pawh tunah hian nasa takin hnathawh mek a ni, a ti. Tin, Champhai in Kawlphetha hnianghnar zawka kan neih theihna turin theihtawp chhuahin hmalak mek a ni a. Khawzawl leh Champhai inkara 132 KV Line siam hna thawh chu chak taka kalpui mek a ni a. Champhai ah hian 132 KV sub-station pawh Rs. Vaibelchhia 24 senga siam tum a ni a ti. Khuallian chuan Khawzawl a 66 KV sub-statioin pawh 132 KV Level ah Upgrade tura hnathawh mek a ni a, Ngopa ah pawh 132 KV sub-station dah tum a ni tiin P&E Department Office complex siam tur pawh chak taka hmalak mek a ni, a ti.
Sawrkarin Champhai District hmasawnna turin R.D. hnuaiah theihtawp chhuahin hma a la a. NREGS hnuaiah kumin July thlengin ni 35 inhlawhna siam a ni tawh a. Chumi atan chuan Rs. Nuai 908.25 sem tawh a ni, a ti. Tin, miretheite tan Insak tanpuina IAY mi 146 hnenah pek a ni. Champhai District a Department hrang hrangte pawhin Champhai hmasawnna atan theihtawp chhuahin anmahni zawn theuhah ngawrh takin hna an thawk a ni. Sawrkar hian mipuite hamthatna tur leh kan ram sum leh pai dinhmun siamtha turin leh remna leh muanna vawng nung zel turin theihtawp a chhuah zel dawn a ni, a ti.
Chhun dar 12:00 ah D.C.Complex-a Jeriko Garden-ah Minister’s At-Home neih a ni a. Field lamah Independence Day Football Final Tlangsam Sporting Club vrs. Kanan S.C. ten an khel a ni. Independence lawmman Parade lawmman te hi Minister hian a sem nghal a, infiamna lam lawmman te chu Minister nupui Pi Denghmingliani’n a hlan a ni.
