Lead Bank Office bultumin vawiin khan DCC/DLRC/ DLSC Meeting chu an Chairman Champhai DC Pu Vanlalngaihsaka kaihhruaiin DC Conference Hall-ah an thukhawm. He hunah hian kumin July atanga September thla chhunga hmalakna thlir hovin, October atanga December quarter hmalakna tur pawh sawiho nghal a ni.

DC chuan Bank Manager-te chu Champhai District hmasawnna ngaihtuah chunga hnathawk turin a chah a. Mipui, a bik takin mi harsa zawkte an intundin theih nan bank ten loan pek chhuah tur zat bituk siam te chu tlin theih hram nise a duh thu a sawi a ni. Meeting Chairman hian NABARD buatsaih Potential Linked Credit Plan for Champhai District 2016-2017 chu a tlangzarh nghal bawk.

Kumin September thla thleng khan Champhai District-a bank pumpui CD ratio chu 61.81% a nih thu tarlan a ni a; Annual Credit Plan hnuaiah loan pek chhuah tura target siam chu Agriculture Loan bikah 40% tlin a ni tawh a, Non-Farm Sector-ah 22% pek tlak tawh niin Other Priority Sector-ah 33% pek tlak tawh a ni bawk. KCC Loan hi kuminah 226 pekchhuah a ni tawh bawk.

Meeting-ah hian Financial Literacy Campaign neih lamah thahnem ngaih a tul thu tarlan niin, loan la tu ten an mawhphurhna a hriatchian loh hian bank lam tam harsatna a siam thin avangin inhrilhriat uar a pawimawh thu sawilan a ni a. Champhai chhunga ATM dah belh dan ngaihtuah tura hmalak te leh pawisa note chhia RBI hnenah thleng chungchang te sawi a ni.

Vawiin thutkhawmah hian RBI aiawh, NABARD aiawh leh Bank hrang hrang aiawhte bakah, department hrang hrang, Police Department leh NGO te an tel a ni.