Mamit District Police, 181 Bn.BSF Turial leh 4th I.R Bn Luangpawl tangkawp buatsaihin Mamit Chhim Veng YMA Hall-ah vawiin khan sipaia tang duh leh tan tum te tan “Awareness Campaign on Recruitment into Indian Army/ Para Military Force” neih a ni.
He awareness campaign-ah hian sipai intlar tur te tana hriattur pawimawh te inhrilhriat a ni a. A buatsaihtu te lam atangin power point presentation hmangin zirtirna hrang hrang pek a ni bawk. Inzirtirna bakah hian 181Bn BSF leh 4th IR Bn te’n an ralthuam neih thenkhat te phochhuakin a a hman dan leh enkawl dan zirtirna pek a ni bawk.
He hun hi Pu C. Lalchunglura, Addl.SP Mamit in a kaihruai a. Pu C.Lalnunmawia, SP Mamit chuan mizo thalai te sipaia lut an tlem thu sawiin, hamthatna tam tak a awm thu leh hna zahawm a ni thu a sawi a. Thalai te Indian Army a nihna sang tak thlenga tang thei turin lut tam turin a fuih a ni.
