Champhai District Level Disaster Management & Rehabilitation Committee chu an Chairman DC Pu H. Lalengmawia kaihruaina in vawiin khan Champhai DC Conference Hall-ah thukhawm in, he hunah hian July 14, 2015 (Thawhlehni) a District Level Mega Mock Drill neih dan tur chungchang leh hemi kaihhnawih a mawhphurhna latute zirtirna kalpui dan tur chungchang rel a ni.
Sorkar laipuiin chhiatrupna thleng thulh a chhanchhuahna hna thawh dan tura ruahmanna thar a duan zulzui a he Mega Mock Drill neih turah hian July 14, 2015 (Thawhleh ni ) Chawhma dar 11 vel a Lirnghing in Champhai khawpui a sawi vanga chhiatna thleng ang chu atak a chan tur niin, chhiatrupna thlenna hmun leh chhan chhuahna hna thawhna hmun lantirna atan hian Champhai khawpu chhunga Chanem Building, Govt. GM Higher Secondary School, DEO Office tual, Hotel Holiday Home kiang leh Kanan Veng leitawlhna hmunahte thlan fel a niin, phuisui taka he Mega Mock Drill hi neih turin ruahmanna siam a ni.
He DDM&R Comtt. hi State Disaster Institute Faculty Head Dr. Lalrokima Chenkual leh Pu Lalthansanga ten an rawn telpui a. Dr. Lalrokima chuan khuanu ruat chhiatrupna hi englai pawh a thleng thei anih vangin hetiang vanduaina alo thlen palh pawh a chiai lova awmze nei taka hna thawh anih theih nan chhanchhuahna hna thawh dan hi kawng hmang hi lo zir thiam lawk atul vangin atak a lantir a ni dawn a ni a ti.
District Level a chhiatrupna thleng thulh a chanvo hrang hrang neitute phawkhai rual taka hna thawh a nih theih nan naktuk hian Disaster Responder te pualin zirtirna neih chhunzawm a ni dawn a ni.
