Sorkar-in Kelkang tanpuina Special Package a siam hnuaia vawk vulh thlangtu chhungkaw 212 hnenah vawiin khan Champhai AH&Vety Department chuan vawk chaw chhumna bel leh tin a sem bakah zirtirna a pe.

He hun hi Dr. Lalchungnunga Pudaite, DAHVO in kaihruaiin, Sorkar atanga a bik liau liau, khawdang pawhin an dawn loh an dawng chu an vanneih thu sawiin, chuti chunga lo tiral an awm a nih chuan report tur a nih thu leh, an vawk leh dawn te uluk leh duat tak a enkawl turin a chah a, a enkawlna kawngah harsatna an tawh chuan Vety Office-a thawkte chu engtik lai pawh a biak pawh leh rawn theih reng an nih thu a sawi bawk.

He training-ah hian Vawk leh Ar vulh kawng a hriat tur pawimawh leh a enkawl dan hrang hrang te, a hralh chhuah na kawng a hriat tur pawimawh tak tak inhrilh hriatna hun hman a ni a, zawhna leh chhanna hun hman a ni bawk. He training ah hian Dr. Lalchungnunga DVO, Dr. R.Laltanpuii SDVO, Dr. C.Lalsawithuama VO, Dr. Rosangzuali VO, leh Dr. Lalramdintluanga VO ten training hi an pe a ni.

Vawk vulh thlang tu chhungkaw 212 hnenah Bel 1 leh Tin 1 theuh sem chhuah a ni a, vawk te hi vaccine pek nghal vek an ni bawk.