Nimin khan Champhai DC leh District Election Officer ni bawk Pu H. Lalengmawia chuan Special Summary Revision of Electoral Roll, 2016 kalpui tur chungchangah political party hrang hrangte chu DC Conference Hall-ah Electoral Roll dik leh felfai neih theih nana thawhho dan tur sawipuiin an thukhawm a.

DC Pu H. Lalengmawia chuan inthlanna felfai kan sawi hian inthlan hun chhunga buaina chhuaklo ringawt a kawk lova, Electoral Roll-ah hming chuang tur te an chuang kim em tih leh roll-a hming awm ten vote an thlak that leh thatloh ah te election felfai chu a innghat a ni, a ti a. Political Party chuan an aiawh tur BLA an thlan kawngah an fimkhur a pawimawh thu tarlang in, roll diklo chungchangah pawh officials mai bakah party mi leh sa te chuan mawhphurna lian tak an nei a ni, a ti a. India Danpui in a phut anga ram khua leh tui dik tak chauh roll-ah an hming a chuang tur ani tih hi zawm uluk a tul thu DC chuan sawiin, culture-ah chuan ramri awmlo mahse khawvel chuan ramri kham a neih miau avangin sorkar inrelbawlna thilah chuan he ramri (political boundary) hi kan ngaihpawimawh a Dan kan zawm a ngai a ni, a ti a. Electoral Roll dik tak neih theih nan official leh political party-te, NGO-te leh Kohhran te chu inlungrual leh hmasialna rilru tumahin pu lova thahnemngai taka thawhhopui a duh thu DC chuan a sawi a ni.

Meeting-ah hian Champhai District Election Officer Pu. Pachhunga chuan kumtin kum tling thar an awm avangin kumtin Electoral Roll siamthat hi chu kalphung a nih thu leh, hemi kawnga thawhhona tha tak an neih theih a beisei thu a sawi a ni.

Electoral Roll, 2016 siamthat (Special Summary Revision) dan tur hunbi thliah dan chu: