Vawiin khan Kawnpui Town YMA Hockey Tournament chu Hockey Ground Kawnpui-ah Parliamentary Secretary leh bialtu MLA ni bawk Pu Hmingdailova Khiangte Parliamentary Secretary chuan khuallian niin a hawng.

Mizoram Hockey Association buatsaih ni 5 chhung awh tur Kawnpui Town YMA Hockey Tournament hawnna-ah hian Parliamentary Secretary Pu Hmingdailova Khiangte, President Mizoram Hockey Association (MHA) ni bawk chuan thusawiin, Kawnpui-ah Hockey alo lar chhuah leh theihna turin MHA chuan tha kan tih angin he Tournament hi kan buatsaih a, nu leh pa te pawhin kan fa, naupang te chu Mizoram tan, India ram aiawh thei tura lo inbuatsaih turin ka duh che u a ni a ti.

Kawnpui Town huam chhunga YMA Branch hrang hrang atangin Section Team 15 an chhuak a, pakhatna in Rs. 5,000/- , pahnihna-in Rs. 3,000/- an dawng dawn a ni. MHA chuan he Tournament-a Team chhuak zawng zawng te chu Silpauline a pe vek dawn a, chumi rual chuan an inkhelh apiangin Match Money Rs. 500 an dawng tel zel dawn bawk.

Tournament hi ni 29th August 2015-ah a kharna hun neih leh a ni ang.