Vawiin chawhnu khan Champhai DC Pu Sangdingliana kaihruaiin Champhai District Level Fire Prevention Committee chu I&PR Conference Hall-ah January ni 19 - 24, 2015 chhunga ‘Ramkang Ven Hapta’ hman dan tur rel in an thukhawm.
DC Pu Sangdingliana chuan ramkang tur laka inven kawngah hma kan sawn zel cu thil lawmawm tak a nih rualin inzirtir belh zel a la pawimawh thu a sawi a. Meeting ruahman dan chuan January ni 19, 2015 chawhma dar 11:00 ah Champhai Venglai YMA Hall-ah mi thlan bikte hovin Fire Prevention Week 2015 hawnna in khawm neih tum a ni a.
Ramkang veng hapta puala inhrilhhriatna (awareness campaign) kalpui dan tur chungchangte, chak zawka District huamah hmalak a nih theih nan VC member te leh NGO hruaitute nen inkawhona neihte, meilam sial chungchangte, ram tikang an lo awm palh a hremna lekkawh dan te leh District chhunga ram kang ven kawnga hna thawk tha khua panga thlanchhuah chungchangte vawiin meeting ah hian sawiho a ni bawk.
