Nimin chawhnu khan DC Conference Hall, Keifangtlangah Champhai DC Pu Vanlalngaihsaka hovin Town Vending Committee chuan khawchhung kawngkama inzuar thinte puihna leh khuahkhirhna chungchang ngaihtuahin an thukhawm.

DC chuan kawngkama inzuar thinte hi khawpuiin a ken tel nimahse, khawpui ti tawp leh ti bal zawnga an awm lohna tura venhim leh an thil zawrh te a thianghlim zawk theih nana hmalak hi kan tih tur a ni, a ti a. He hunah hian UD&PA Dept in Champhai khawpui chhung tana Draft Street Vending Plan ruahmanna an siamte thlir ho niin, zawrh theihna slot 68 ruahman rih a ni.

Street Vending zone hrang hrangah vendor thu tur zat leh an thil zawrh tur te leh an thut theih hun chhung tur te ruahmman sak niin, Street Vendor-te License fee leh renewal fee zat tur te bithliahsak niin dan bawhchhia te hremna tur te ruahman a ni bawk.

Nimin a ruahmanna an siamte hi Directorate in a pawm anih chuan Champhai khawpui chhungah kalpui tan a ni ang.