Vawiin khan Champhai DC leh DRDA hmalakna hnuaia leivung paihna hmun siam thar, Champhai khawchhung atanga 5 km a hla chu Champhai DC Pu H. Lalengmawia hovin a hmuna enfiah a ni a. Kawng tih zau dan tur te sawiho nghal niin, DC chuan Thawhtan (25. 5. 2015) atang hian hman tan theih a nih tur thu a sawi. Leivung paihna hmun hranpa hi kawngsir duhna hmun hmuna paih an awm thin avangin leh, mipuite tan a aqlsam zawk nan tuna UD&PA Dumping Ground hman mek bakah hmun hnai zawkah neih belh tha a hriain siam belh a ni.

Champhai DC chuan District Magistrate a nihna angin UD&PA dumping ground, khawchhung atanga km 10 a hlaa siam leh hemi leivung paihna hmun pahnih bakah hi chuan tuman leivung an paih phal a nih tawh loh thu vawiin atang hian order siam a ni, a ti a. Tunah hian leivung tharlam leh tharlam lo kawngsirah chhek khawl ngut a ni chuan khawchhung hmel a ti mawilo in, a zahthlak hle a ni tiin DC chuan tun achinah dan ngaipawimawh a Sorkar thupek zawm turin mipuite chu a chah a ni.

Vawiin hunah hian Champhai District Urban Development Officer Pi V. Lalmuanpuii bakah Addl. SP Pu V.L. Lura Hauzel, 74 RCC O/C Pu Prakash Kumar leh YMA Sub-Headquarter hruaitute an tel a. Addl. SP chuan chuan dan zawm tlan a ngaih thu sawiin, thianghlimna leh dan leh dun kenkawh hi theih tawpa kalpui tlan a duh thu a sawi. DUDO Pi V. Lalmuanpuii pawhin UD&PA Department chauh chu khawtlang thianghlimna hna kengkawh tur a nih loh thu sawiin, mitinin mawhphurhna kan neih vek thu leh tantlang a pawimawh thu a tarlang bawk.

Champhai DC ho hian phallohna hmun kawng sira leivung chhekkhawl chu paihfai dan ngaihtuahin an enho nghal a ni.