Nimin khan Champhai District Bawrhsap Pu Lalthangpuia Sailo, IAS, District Magistrate leh District Election Officer ni bawk chuan, MLA General Election 2013 lo awm tura vote lei leh hralh chungchangah thupek a chhuah
Champhai DC Pu Lalthangpuia Sailo IAS chuan, Mi tupawh thamna pawisa emaw hmanrua engpawh hmanga vote lei leh hralha inhnamhnawih chu IPC Section 171-B in a khap tlat a, thamna petu leh a dawngtute chu inang renga hrem theih an ni. Hetianga inhnamhnawih mante chu pawisa chawitir/kum khat thleng lungin tan tir/a pahniha hrem theih an ni.
Chu bakah, mi tupawh candidate emaw voter emaw te vau leh vote an thlak theihna dal tura harsatna engpawh siamsak hi IPC Section 171-C in a khap tlat bawk a ni. He dan bawhchhiate chu pawisa chawitir/kum khat thleng lungin tan tir/a pahniha hrem theih an ni.
India khua leh tui zawng zawngte chu a chunga tarlan tak dan bawhchhiatna atanga inthiarfihlim tura ngen leh hriattir an ni a, heng dan bawhchhiatna emaw dan bawhchiate emaw hmu leh hria an awm anih chuan Complaint Room Number. (03831) 235604 ah hian report theih reng a ni tiin thupek ah chuan a chhuah a ni.
