Vawiin khan MZP North Khawbung Branch chuan zirlai ti tha chawimawina hun an hmang a. He hun hi Pu H. Lalengmawia, Champhai DC chuan khuallian niin a hman pui a. Zirnaa thangharh si lova sum leh pai ringawt um a hlawhawmzia sawiin Khuallian chuan zirna kawngah thangharhin zirna kan ngai pawimawh tur a ni a ti.

Pu H. Lalengmawia chuan nu leh pa te'n kan fate zirna kawngah sum kan ui tur a ni lo a, zirlai chungchang kan sawipui tam a ngai a, theihtawp kan chhuah pui tur a ni a ti a. Keimahniah inrintawkna a san ang zia zelin kan thlen chin a sangin a hniam thin a. Chuvang chuan zirtirtu leh nu leh pa te'n zirlai te ah inrintawkna kan siam tur a ni a ti bawk.

Vawiin zirlai ti tha chawimawina inkhawm hi Lalhmachhuana Chhawnchhek MZP North Khawbung President chuan a kaihruai a. MZP North Khawbung Branch huam chhunga Nursery atanga Cl-IX zirlai ti tha pakhatna atanga pathumna thlengte chawimawi an ni a. He hun hi MZP Champhai Hqtrs atangin Vice President Isaac Lalduhawma leh Thangdeihmanga, Secretary ten an hmanpui bawk a ni.

Attachment

  • Loading attachment...