Vawiin khan Champhai District Election officer Dr. Naveen Aggarwal chuan Champhai District chhunga Assembly Constituency pangaa Systematic Voters Education and Electoral Participation (SVEEP) Awareness Campaign leh Mock Poll buatsaih turte DC Office tualzawl atangin a vailiam.  

Dr. Naveen Aggarwal chuan inthlanna felfai leh dik nei tur chuan mipuiten inthlanna hmanrua  Electronis Voting Machine(EVM) leh Voter-Verified Paper Audit Trail (VVPAT) te an hriatchiana rinna an nghah ngam a tul a ni, a ti a. District chhunga khua zawng zawng hrutchhuaka SVEEP Campaign cum Mock Poll hlawhtling tak nei turin duhsakna a hlan a ni.

Systematic Voters Education and Electoral Participation (SVEEP) Awareness Campaign-cum-Mock Poll hi Champhai District chhunga khua zawng zawngah kar leh chhung ngei hian neih zawh vek hman tum niin, Assembly Constituency tinah Campaign tur Mobile Van 2 zel ruat a ni a. Sawrkar Pisa, Zirna In leh Vantlang hmun ualau leh puipunnaah te Campaign hi neih tum a ni a. Champhai District chhunga Polling Station 137 awmte tuamchhuak vek tum a ni.

Vawiin hian N. Khawbung, Hmunhmeltha, Vengthlang/Venglai Old DC Office area, Bethel Kawn leh GM Higher Secondary School-ah te campaign leh Mock Poll hi neih a ni a. GM HSS-a Campaign-cum-Mock Poll neih hi Pu Lalremruata Kullai, Election Officer, Champhai hova neih a ni a. Naktuk September Ni 8, 2018 hian Block tin atanga SVEEP Campaign nei turte training pek ani anga, karleh Thawhtanni atangin District pum tuamchhuak Campaign nei turin an feh chhuak dawn a ni.

 

Attachment

  • Loading attachment...