No.2308/2021-2022

Aizawl, 23rd February, 2021 : Champhai District Bawrhsap Pi Maria C.T Zuali chuan nimin khan Tualcheng khua a tlawh a, Rural Infrastructure Promotion Fund (RIPF) Project, NABARD leh Champhai RD Block tangkawp ten Tualcheng rama tuikhawhthla sang leh mawi tak Lungno khawhthla panna kawng PCC Pavement leh a thlirna chawlhbuk Viewing Gallery an siam chu a hmunah kalin a enfiah.

Pi Maria C.T Zuali chuan Champhai District chu sik leh sa nuam tak a nih bakah hmun mawi tak tak khualzin hip thei tam tak awmna a ni lehzel chu vanneihthlak a tih thu sawiin, hmunhma mawi leh cheibawl tlakte chu dimdawi taka enkawla khualzin hip thei tura chei thata humhalhna chang hriat a tul thu a sawi a. District mawi bikna leh nakin lawka khualhip thei tur leh sum leh pai lakluh theihna tur hmunhma hrang hrangte chu ngaihhlutna chang hria a, neitu thinlung pua vawnghim tlat turin District mipuite a chah a ni.

Tualcheng ram chhunga awm Lungno khawhthla panna kawng leh a thlirna chawlhbuk siam nan hian RIPF NABARD Grant Assistance Rs. 5,00,000/- leh Champhai RD Block atanga Rs.30,000/- , avaiin Rs. 5,30,000/- ruahman a ni a.
June ni 28, 2021 khan hna thawh tan niin, tun thla September ni 28, 2021 hian zawhfel hman tura ruahman a ni.

Champhai District Bawrhsap hi Pu Vanlalchhuanliana, BDO, Dr. Lallawmkima DIPRO, Pi H. Lalhmachhuani, DDM, NABARD leh khawtlang hruaituten an tawiawm a ni.