Vawiin chawhma Dar 11:30 khan Champhai DC Office Chamber-ah Champhai Dist Bawrhsap Pu Sangdingliana IAS leh Champhai thuthar thehdarhtuten inkawm hona an nei.

Kum 2014 Lok Sabha MP inthlan lo awm tura Press mite hriattur leh pawimawhna chi hrang hrang sawi hona leh thlir lawkna vawiina Champhai DC leh Media ten an neihnaah hian District Bawrhsap Pu Sangdinglian IAS chuan kaihruaiin., DC chuan ama hoa Champhai MJA te nena meeting an neih vawikhatna anih thu sawiin, Lok Sabha inthlan lo awm tur inbutsaihna pawh tluangtaka kalpui zel anih dan a sawia, MLA inthlanah khan DC office te, Election office te leh Press mite chuan thawhhona tha tak an lo nei tawh a, lawmawm atih thu sawiin, tun MP inthlanah pawh hian thawhhona tha tak an neih leh a beisei thu a sawi rualin, Press mite pawimawhna sawiin, MP inthlanah hian Mizoram-ah Vote tla a chhe em em thin a, chuvang chuan mipui ten Vote thlak hi an mawhphurhna leh India khua leh tui an nihna anga an tihtur a ni tih puangzar tam turin Press mite chu a chah bawk a ni.

Tun MP inthlan lo awm turah hian Champhai Dist chhungah Voter mi 78317 an awm a, Champhai N-ah Voter tamberin, mi 17115 an awm a, E.Tuipui-ah voter 14056 awmin, voter tlemna ber bial an ni a, Champhai Dist chhungah hian Polling Station 133 awmin, heng hmuna Duty tur hian Polling Party mi 133 ruat anni bawk a ni a ti a, WPAT (Voter’s Verifiable Paper Audit Trail) hi Champhai N-ah -9, Champhai S-ah-10, E.Tuichang-ah- 8, a vaiin Champhai Dist. tan WPAT hi 27 hman ani dawn ani atia, tun MP Election-ah hian venhimna pawh uluk taka kalpui anih tur thu a sawi bawk a ni. Champhai Dist. bik hi inthlan a ralmuang thin a, tun MP inthlan lo awm turah pawh Critical leh Sensitive Area Champhaiah a awm lo chu lawmawm a tih thu DC chuan a sawi a ni.

He hunah hian Pu R. Vanrengpuia EO pawhin, MP inthlan lo awm tura an lo hmalak tawhna tlangpui tarlangin, EVM hi 1st leh 2nd Randomization tihzawh a ni tawh bakah, hman theih tura Commission tawh an ni a ti a, EVM hman tur 133 leh Reserve 35 te chu Strong Room-ah dahluh anni a, Election Official leh Party aiawh te signature hnana Strong room kawngkhar pawh seal hnan thlap ani ati bawk. Media Centre pawh peihfel vek a ni tawh thu tarlangin, tun tumah hian Polling Party Mizoram chhunga duty turte chuan Postal Ballot aiah EDC (Election Duty Certificate) an hmang tawh dawn a, EDC tih nan hian April ni 5, tlai dar 3:00 thleng hawn anih thu a sawi bawk.Polling Party te hi an bungraw hman tur chawlhni-ah semchhuah anni ang a, a thawhkhatnaah hian mi 13 ten April ni 7-ah an Duty-na tur hmun an pan ang a, a thawh hnihnaah hian mi 120 ten an duty na tur hmun April ni 9-ah an pan dawn bawk a ni.

Pu Zoengsanga Addl DC chuan WPAT chungchang hriattur pawimawh te a sawi a, Pi K.Laldingliani IPRO chuan MP inthlan lo awm tura Press mite mawhphurhna leh pawimawhna sawi hawnna a nei bawk a ni,Pu Benjamin Lalzama SDO (S) chuan inthlanna atana training an lo kalpui tawh dan a sawi bawk ani.

Vawiin Meeting-ah hian MP inthlan hmasaka Champhai Dist-a vote tla zat 53.3 % chu khum tura tan lak nise an ti a, MP Election atana thil pawimawh an sawiho rual hian DC Complex hmun hlui chu a tangkai thei ang bera hmang tura tan lak nise tihte an sawiho bawk a ni