Vawiin chawhnu 1:30Pm hian Lawngtlai District chhunga MP inthlanna a Duty tur Police zawng zawngte chu Lawngtlai SP Pu Brajesh Kumar Singh chuan SP Conference Hall ah kokhawmin, an thawh tur theuhte inhrilhhriatna tlangpui an nei.

Lawngtlai District chhunga duty tura inpuah chahna kawngah Lawngtlai SP chuan hmalakna hrang hrang kalpuiin, vawi engemaw zat training an nei tawh a. Inthlan ni hi a hnaih tawh avang leh hmun hla tak taka duty turte tan chhuah a hun hnaih tawh avangin vawiin hian a hnuhnung ber atan a nawlpuia in hrilhhriatna (briefing) neih leh a ni a. He hunah hian venhimna lam kalpui dan tur hrang hrangte sawi ho niin SP Pu BK Singh leh Addl SP Pu Shersing Thapa ten thu an sawi.

Vawiin hian Lawngtlai District chhung hmun hrang hranga Police awmte kalkhawmin mi 250 vel an kalkhawm a naktuk hian WT lam enkawltute tan bik inhrilhhriatna hun a buatsaih leh anga, tichuan Police duty tur zawng zawngte chuan an awmna hmun theuh pan thei turin an inpeih tawh dawn a ni.