Vawiin 4th April, 2014 hian I & PR Auditorium-ah Mizoram Educational Foundation (MEF) chuan General Conference cum Seminar vawi -7 na an nei.

Hemi hunah hian Dr.L.N Tluangi, Director, Higher & Technical Education Department chu khuallian niin, Mizorama College hrang hrang a zirtirtute abikin Education Department leh a tui apiangte an tel a ni.

Mizoram Educational Foundation hi Kum 2004 atang khan mumal taka kalin Education-a tuimite tan member nia tel theihna a ni. General Secretary Dr. Lalbiakdiki Hnamte MZU in report pein Annual member 41 leh life member 9 a nei mek a. Journal kum khat a vawi thum chhuak chu nikum atang a Refreed-ah hlankai anih thu te Pawl thil tum leh hmalak tawhna chungchangte a sawi ani. MEF President Prof. Lalhmasai chuaungo MZU pawh in Seminar Paper Topic thlan dan leh a hlutna leh tangkaina fiah takin a sawi bawk a ni.

Chief Guest Dr L.N. Tluangi chuan India ramah MHRD chuan Education chu supply leh Demand inmil thei ber tura kal pui anih thu sawiin , chutih lai erawh chuan duh ang a hnathawk thei mi thiam chherchhuah tawk anih theih loh chu harsatna anih thu a sawi. Hemi tih ziaawm nan hian National vocation Education Qualification Framework (NVEQF) duan a nih thu sawiin Mizoram atan Pilot Project-ah Hrangbana College chu thlan a ni a, Sum pawh hmuh anih tawh thu a sawi. Hei hian hnathawk thei tura thiamna a michengte mila chherchhuah atum dawn a ni a ti. India ramah Zirna tha zawk thlen tura mipa leh hmeichhia enrollment la inthlauh thu sawiin tunah Mipa 20% nih lain Hmeichhia erawh 16.5% a la nih thu a sawi bawk. Hmasawn zel tur chuan ICT lamah intuaithar zel loh chuan thil thar tha zawk hmuhchhuah zelah kan hnufum dawn a ni a ti, Chutih rual erawh chuan mipuiten ngaihlut tur dik thiamna nei mi hmantlak chherchhuah rualin, in unauna, inlainatna, inhriatthiamna tuh tel a tul thu a sawi.

Chawhnu lamah hian paper Rashtriya Uchhatar Shikshka Abhiyan (RUSA) Dr. K. L Pradhan & Dr. Zarzoliana ziak zir ho a ni. RUSA hian a tha thei bera Zirna sang zawka phu ngeite mitam zawk luh theih nan langtlang, rintlak leh chhawrnaawma kalpui a tum ani. Central scheme thar niin CABE leh MHRD ten Tata Institute of Social Sciences te nena bul tan leh duan a ni a, 2nd Project Approval Board Meeting hi 12-3-2014ah neih a ni. Paper pahnihna atan hian PBAS Performance Based Appraisal for Direct Recruitment and Pormotion of Teachers based on Annual Performance Indicators a ni a. Prof. Sangkima buatsaih a ni.