2266/2023-2024

Champhai the 11th October, 2023 – Mizoram Assembly Election, 2023 vuakvetah vawiin chawhnu khan Champhai DC & DEO Pu James Lalrinchhana kaihhruaiin DC Conference Hall, Keifangtlangah Bankers-te nen meeting neih a ni.

Meeting-ah hian election kaihhnawih official-te leh SBI, MRB, HDFC, Punjab National Bank, Canara Bank leh Apex Bank Manager-te an tel a ni.

Champhai DC & DEO Pu James Lalrinchhana chuan inthlan dik leh felfai tak neih anih theihnan Bank-te an pawimawh takzet thu a sawi a. Candidate te account hawn leh cheque book issue sak chungchangah te leh Bank dawr an mamawhna hrang hrang ah te harsatna an tawh lohnan theihtawp lo chhuah pui a, a tul anga lo tanpui turin a chah a. Inthlan vuakvetah District chhunga bank account transaction-te lo vil uluk tur leh rinhlelhawm a awm palh anih chuan report vat turin a chah bawk a ni.

Meeting-ah hian Sawrkar Laipui Ministry of Finance, Department of Financial Services ina inthlan vuakveta Bank te zawm tur Standard Operating Procedure te sawiho a ni a. General Election to the Legislative Assembly of Mizoram, 2023-ah hian Canidate tin ten cheng nuai 28 thleng an hmang thei a. Candidate tin te hian election atana hman tur bik account an hawng tur a ni.