2265/2023-2024

Champhai the 11th October, 2023 – Mizoram Assembly Election, 2023 hmachhawn tura hmalakna kal zelah vawiin khan Champhai DC &DEO Pu James Lalrinchhana kaihhruaiin DC Conference Hall, Keifangtlangah Mobile Service providers-te nen meeting neih a ni.

Meeting-ah hian election kaihhnawih official-te leh Jio, BSNL leh Airtel Manager-te an tel a ni.

Champhai DC &DEO Pu James Lalrinchhana chuan inthlan hlawhtling taka neih anih theihnan Polling official leh mipuite tan inbiakpawhna tha tak a awm a tul a ni tiin, District-a inbiakpawhna chungchanga mawhphurna neitute Mobile Service providers-te chu an hma zawn theuhah a tul anga hma la nghal turin a chah a. Mobile signal that lohna hmun te leh tower leh fibre-te repair & maintenance tul ah te hma lo la vat turin a chah a. Election kaihhnawihah information technology nasa taka hman chhoh anih thu leh ECI ruahmannain Apps kaltlanga hmalak ngei ngei tul te a awm avangin mobile internet signal chak tha tak neih a tul thu a sawi bawk a ni.

Mobile Service providers – Jio, BSNL leh Airtel Manager-te hian an mobile signal dinhmun tlangpui te leh tower an neih dan dinhmunte an report a. Champhai District huamchhungah mobile signal awm miahlohna hmun shadow area a awmloh thu ngaihthlak a ni a. Kawng siam ten fibre an tih chhiat thin thu pawh ngaihthlak niin, hemi avanga harsatna awm palh thei ven nan District huamchhunga kawng chungchanga mawhphurhna chelhtute pawh lo fimkhur tur leh lo ven pui tura hriattir ni se tih meeting chuan a rel a ni.