Vawiin chawhma dar 10:30 khan Champhai District Child Protection Unit (DCPU) Office, Vengthlang North, Champhaiah Sponsorship sem chhuahna programme hmang a ni a. Champhai District Bawrhsap Pu Vanlalngaihsaka, IAS, District Child Protection Committee Chairman ni bawk chuan he hun hi a hmanpui a ni.

Khuallian District Bawrhsap Pu Vanlalngaihsaka, IAS chuan thu sawiin sawrkarin naupang harsa zawkte chhawmdawlna a sem chu thil lawmawm tak anih rualin chhawmdawl ngai kan la awm erawh a vanduaithlak hle a ni, a ti a. Sawrkarin chhawmdawlna a pek chu tam lo mahse, awmze nei taka hman a nih chuan thatpui theih a ni tih sawiin khuallian chuan chhawmdawlna dawngtute chu tangkai taka hmang turin a chah bawk.

Champhai District Child Protection Unit hian naupang 83 hnenah zirna tihhmasawnna atan te, hriselna tihhmasawnna atan te, ei leh in tha zawk an hmuhna atan te leh an mamawh dang phuhrukna atan sumfai a pek chhuah thin a ni.

Sponsorship sem chhuahna programme hi Champhai District DCPO Pi R.Lalrinchhani’n a kaihruai a. CWC Chairman Pu VL Chama Hnamte leh Pi VL Rochhari hnen atanga ngaihthlak a ni thuchah ngaihthlak a ni bawk.