Vawiin chawhma dar 10:00 khan Champhai Forest Division leh Champhai Town area chhunga Branch YMA hruaitute chu DFO office chamber-ah Kangmei ven dan tur chungchang ngaihtuahin Champhai DFO Pu Vanlalchuailova hovin an thukhawm.

Khua lo thal chho mek leh lo hal hunte a nih avangin Kangmei laka inven dan tur chungchang sawiho a ni a. Champhai Town Area chhung leh a chhehvel kangmei laka a him theih nan kum tina lo tih thin angin Champhai Town Area chhunga YMA Branch ten rualkhai zawka hma an lak theih nan, kangmei ven bik tur laite insemin kangmei lo chhuah palh pawha thelh mih a nih vat theih nan information inpek zung zung a pawimawh avangin inrawn khawmna hi neih a ni.