Vawiin February 8, 2013 hian District Level Disaster Management Workshop buatsaih a ni a; mi pawimawh 16 vel tan buatsaih a ni. Workshop hi Pi PC Zonuntluangi, SDC, DC Office-in a kaihruai a; Resource Person Dr. Lalrokima Chenkual, Dead Faculty, DM Cell, Administrative Training Institute-in hneh takin a zirtir a ni. He Work-shop-a kalhote zingah BSF, CRPF, Home Guard, Police, PHE, AH&Vety, I&PR Officer pawimawhte nen sawihona tha tak an nei a, khua leh Veng hrang hranga mite zirtirna tam tak pek chhawn nise a duhawm hle.
Dr Lalrokima Chenkual chuan Mizoram chhunga chhiatna rapthlak tam ber hi a ram chhunga chengte fimkhur loh vang a ni thui hle tih a sawi. “Leimin tam tak siamtu chu kawngpui laih vang te, inhmun laih vang te, vawk in vang te a nih thu te, In leh ram kang tam tak pawh mihringte fimkhur loh vang leh inthlahdah vang a ni tam hle a, lirnghing erawh kan chhehvel ramte aiin kan tuar nep rih hle mahse, lo inpuahchah nasat a ngai hle a ni,” a ti.
Office Safety chungchangah pawh, thawktu thutna delh thei tura almirah hun loh a tha a; rikrum thila chhuahna kawngkapui pahnih tal neih a tul thu a sawi.
Tunlai Mizoram, a bikin Aizawla Concrete in sak tam tak, a hnuai lam dah awla, a chung chhawngli, chhawngnga mahni chenna tura sak te hi lirnghing lakah a him lo em em bik a ni tih hriain, kan in sak danah pawh fimkhur a ngai em em a; mitin fimkhur a tul a ni.
Mizote hi hnam inthlahdah ang reng tak, nakin lam ngaihtuah peih vak lo kan nih avangin tun aia rikrum thila kan talbuai lohna turin inpuahchah ila; pawn lama kawngkapui misualin an kalh theih lohna turin Tala pawh khai tur a ni tih te an zir a ni.
