Vawiin khan Chapchar Kut 2013 hman dan tur ngaihtuahin Kolasib Addl DC Pu Zairemmawia hovin Chapchar Kut Organising Committee chu a office chamber-ah an thukhawm a. State Level Celebration Committee-in alo duan chhuah tawh angin 1st March-ah ropui thei ang bera lawm nise tiin tihtur chi hrang hrang an duang nghal a ni.

Kolasib Diakkawn Field-ah Chapchar Kut hi chawhma dar 11-ah tan nise an ti a. Kolasib-a Kut hmanna tur hi Pu R. Lalzirliana, Home Minister chuan a hmanpui dawn a ni. Vawiina District Organizing Committee thukhawm chuan a tul anga hma la a thawk nghal tur Working Committee a din nghal a. Hei hi Kolasib Sub Hqrs YMA in a ho ang a, tlawmngai pawl hrang hrang hruaitute committee ah chuan an tel ang.