Vawiin khan DC Pi Niharika Rai hovin Kolasib District Fire Prevention Committee chu a office Chamber-ah an thukhawm a. Kangmei laka invenna hapta kumina hman dan tur programme chi hrang hrang an duang chhuak.

Kumin Fire Prevention Week hawn hun atan chuan District hqrs. hman zawh tukah tih nise tiin an rel a. Hawnna inkhawm chu DC Office kawt tualah neih nise, Joint VC Chairman in inkhawm kaihruaiin khuallian bakah President, sub hqrs YMA leh Pre, sub hqrs MHIP ten thu an sawi ang.Week chhung hian District hqrs bakah thingtlang khaw tinte chu Fire Prevention Committee te kaihhruainaa a zau thei anga kangmei laka fimkhur inzirtirna hun hmang turin ngen nise Committee chuan a ti a. Khaw tinah Lo hal hun chu 15 March hma lama zawhfel nise, hemi zawmlo leh Dan bawh chhiate chu a tul anga an chunga action lak ni se, Committee chuan a ti bawk a. Lo hal tur reng rengin Mei kawng fel takin sial se, mei kawng sial hi a tih theihna hmunah chuan NREGS hnathawk ten ni khat tal hnatlanga thawk turin PD, DRDA ngen ni se an ti bawk.

Fire Prevention Week denchhen hian state pum huapa High School level Essay inziahsiak buatsaih a ni a Thupui atan ‘Kangmei laka fimkhur pawimawhna’ tih aniin 15th May 2013 aia tlai lovah Conservator of Forests (Central Circle), E&F, Tuikhuahtlang, Aizawl-ah thehluh tur a ni.