Mizoram chhung District hrang hranga Integrated Watershed Management Programme, IWMP hnuaia hnathawh dan te endiktu State Level Nodal Agency Team-te chuan tunlai hian Champhai District chhunga IWMP hnuaia hmalakna hrang hrang te a hmunah kalchilhin an endik mek a, Champhai District hi karleh lam khian endik zawh fel beisei a ni a. District dang zawng en zawh tawh a ni.

Tun dinhmunah IWMP hnuaia Project pahnih - Soil & Water Conservation Department enkawl Champhai - I Project leh AMFU, Champhai District enkawl Champhai - II Project te Monitoring Team hian an en zo tawh a. Khawzawl R.D. Department enkawl Champhai - III Project hnuaia hnathawh te an endik in, nimin (2.6.2015) khan Vankal-ah kalin vawiin khan Ngaizawl an tlawh a, naktukah Champhai - III Project chu endik tura ruahman a ni.

SLNA Monitoring Team te hian IWMP hnuaia hnathawh leh hmalakna hrang hrang te an endik bakah, Project enkawltu PIA leh Watershed Committee-te sum leh pai hman dan leh enkawl dan te an endik nghal a. Nimin a Vankal an tlawhnaah chuan a khaw mipuiten IWMP hnuaia hmalakna te an hlawkpui thu sawiin mi tam takin tlangram lo neih dan pangngai kalsanin eizawnna nghet an neih phah tih an sawi a ni. Vankalah hian IWMP hnuaiah hian beneficiary 60 vel an awm mek a ni.

Champhai District huamchhunga IWMP hmalakna endiktu SLNA Monitoring Team Member-te hi Pu Jedid Lalnundanga (Technical Expert), Pu Andrew Lalremruata (Account Assistant) leh Pu C. Zonunsanga (Assistant) te an ni a, Dr. F. Laldinthara (Technical Expert), DWCDC, Champhai District chuan a tawiawm thin a ni.