Champhai District-a Prime Minister Employment Generation Programme (PMEGP) hnuaia trade hrang hranga loan diltute tan I&PR Conference Hall, CHANEM building-ah personal interview buatsaih a ni a. Interview hi Chairman Pu C. Lalzarliana, Addl. DC leh Secretary/Convener Pi Lalnuntluangi, DVIO, Mizoram KVI Board, Champhai District ten kaihhruaiin Bank Manager te nen neih a ni a. Interview hi nimin (15.9.2015) khan Champhai khaw pawn tan neih niin, vawiinah Champhai khawchhunga loan diltute tan neih chhunzawm a ni.

PMEGP loan diltu hi Champhai District-ah KVI hnuaiah mi 172 leh DIC hnuaia mi 61 an awm a. SBI Khawzawl leh Champhai Branch bakah MRB Ngopa leh Champhai Branch ten loan hi an pe chhuak dawn a ni. Kum 2015-16 chhung hian Mizoram KVI Board hian PMEGP Margin Money hi Rs. 53.51 lacs an nei a, District Industries Centre atan Rs. 21 lacs dah a ni.