Tunkar Ningani April 30 a Village Council inthlan lo awm turah Champhai North leh South biala Returning Officer leh Presiding Officer –te tan training vawrtawp chu vawiin khan Champhai DEO Pu H. Lalengmawia hovin DC Conference Hall-ah buatsaih a ni a. Election material-te pekchhuah nghal a ni.

Champhai DEO Pu H. Lalengmawia chuan inthlanna felfai tak neih theih nan Returning Officer leh Presiding Officer-te chu fimkhur hle tura chah in, election laia thil felhlel awm hi chu inthlahdah vang anih tlangpui thu a tarlang a. Vawin training chu hlawkthlak taka an hman theih nan leh, inrintawkna tha tak an neih theih nan zawhna te pawh zawt uar turin a chah a ni. DC chuan VC inthlanna atan inbuatsaihna chu a tha thawkhat hle a a hriat thu tarlangin, Election Branch-te chu an thawhrimna chungah lawmthu a sawi bawk.

Vawiin training hi Election Officer Pu Benjamin Lalzama’n kaihruaiin, ERO pahnih Pi Lalhruaitluangi, SDC leh Pu R. Zoremthara, Champhai BDO ten training hi pe in, voter-ten vote an thlak dan tur leh RO leh Presiding Officer-te hna tur chu entirna (demonstration) a pek a ni.

Vawiin hian Khawzawl, Ngopa leh Khawbung BDO theuh ten an biala Returning Officer leh Presiding Officer-te chu training an pe ve bawk a ni.