Champhai DC Pu H. Lalengmawia hovin vawiin khan Champhai Mizofed POL Depot-a Petrol (MS) leh Diesel (HSD)-te chu IOC Guideline anga quality tha ngei anih leh nih loh enfiah a ni.

He hunah hian Legal Metrology Department-a Assistant Inspector-in Hydrometre leh Thermometre hmangin a endik a. Test-a a lan danin Diesel leh Petrol density chu phal chin (permissable range) chhungah a awm a ni.

Champhai DC chuan POL Depot-a thawkte chu mipui rawngbawl an ni tih inhre reng chunga thawk turin leh, dan phalloh thil engmah ti lo turin a fuih a. Mipuiin an hriatthiam ngai harsatna a lo awm a nih pawhin tawngkam tha taka inhrilhfiah thin a, hawihhawm taka mipui dawr zel turin a chah a ni.

Vawiin hian Champhai DCSO leh DIPRO-te, Sub-Hqtr YMA-te, MJA-te, Joint V/ C leh District Consumer Association atang ten aiawh theuh an kal bakah police-te an tel bawk.