Vawiin khan Presiding Officer leh Polling Officer te tan D.C. Conference Hall, Mamit-ah District Election Officer Pu Vanlalngaihsaka kaihhruaina in training neih a ni. District Election Officer Pu Vanlalngaihsaka chuan PRO leh PO te chu inthlanna kaihruaitu tak tak tur an ni a, tih sual an neih loh nan uluk leh fimkhur taka thawk turin a chah a, mahni inzir pah tur leh mahni inring tawk turin a fuih bawk.

Training hi Election Officer Pu Malsawmtluanga a pe a ni.

Vawiin training-ah hian PRO, PO te hnenah hian Election Materials pekchhuah nghal a ni.

Training hi W. Phaileng, Kawrthah, Reiek leh Zawlnuam-ah te neih a ni bawk. Village Council hi 87 a ni a, chung zinga Nalzawl Village chu chuhtu dang awm lovin INC chiahin Nomination an file a ni.