4188/2024-2025

Champhai, 11th February 2025: February ni 12, 2025 a Village Council Inthlan neih tura inpuahchahna kal zelah vawiin khan Champhai District chhunga Inthlan buaipui tur Polling Party te chuan Bawrhsap pisa tual atangin an duty-na hmun tur an pan.

Polling party kal chhuak turte hian DC office-a Dispatch Counter aṭangin inthlan buatsaihna tur hmanrua leh bungruate lam khawmin, an bungruate an endik fel vek hnuah an duty-na tur hmun panin an chhuak a. Polling Party-ah hian inthlan huaihawttu tur Returning Officer (RO)-te, inthlan buaipuitu tur Presiding Officer (PRO) leh Polling Officer (PO)-te, venhimna hna thawk tur security-te leh lirthei khalhtute an tel a ni.

Champhai District-ah hian Village Council 62 awmin, Polling Booth 84 a awm dawn a. VC-04047 Vangchhiaah inthlan huaihawt ngai lovin, chuhtu awm lovin Candidate 5 te tling ah puan an ni tawh a, Candidate te hi ZPM – 2, MNF-2 leh Congress- 1 an ni. Hei bakah hian Buangah Reserved Seat-ah MNF Candidate chu tling a puan a ni a, Melbukah Reserved Seat-ah chuhtu awm lovin ZPM Candidate chu tling a puan a ni bawk. He ti hian Village Council 61 ah te inthlan buatsaih a ni dawn ta a ni.

 VC Inthlan chuh tum hian mi 766 ten hming an pe lut a, General Seat chuh tum 571 leh Reserved Seat chuh tum mi 195 te an ni. An zingah hian inhnukdawk mi 12 - General 11 leh Reserved Seat candidate 1 awmin, candidate 755 (General 560 leh Reserved 194 an awm ta a ni. Champhai District chhungah hian Village Council seat 290 – General Seat 214 leh Reserved Seat 76 a awm.

Champhai District chhunga VC Inthlan chuh tum hian Party pathum – INC, MNF leh ZPM ten hming an pe lut a. Independent Candidate 41 an awm bawk. Indian National Congress hian Candidate 176 - General Seat chuh turin Candidate 134 leh Reserved Seat chuh turin Candidate 42 an nei a. hian khaw 11 ah Candidate an nei lo a, chungte chu  - Buang, Bulfekzawl. Dungtlang, Hruaikawn, Leisenzo, New Hruaikawn, Ngur, Thekpui, Thekte, Vengthlang North leh Zawngtetui te an ni. INC hian seat chuh kim lohna khaw 22 an nei bawk a chungte chu - Farkawn, Kahrawt, Khankawn. Khawbung, Khuangphah, Khuangthing, Leithum, Lungphunlian, Melbuk, Murlen, North Diltlang, North Khawbung, Ruantlang, Sazep, Selam, Sesih, Tlangsam, Tuipui, Vaikhawtlang, Zion Veng, Zokhawthar leh Zotlang te an ni.

Mizo National Front in Candidate 264 – General Seat chuh turin Candidate 194 leh Reserved Candidate 70 an nei a. Khaw 10 - Buang, Khawbung, Khuangthing, Lianpui, Lungphunlian, Melbuk, Murlen, North Diltlang, Sesih leh Vaikhawtlangah te seat an chuh kim lo ve bawk a ni.

Zoram Peoples Movement in Candidate ngah berin 285 an nei a, an zingah hian General Seat chuh tur mi 210 leh Reserved Seat chuh tur mi 75 an awm. General Seat pahnih awm theihna Tuipui khuaah General Candidate 1 chiah an nei lo tih loh chu, khaw 61 ah seat an chuh kim vek a ni.