Champhai District huamchhunga IWMP (Integrated Wateshed Management Programme) hmalakna khuaa Watershed Committee-te tan nikhat awh training Venglai Community Hall-ah vawiin khan DRDA Office bultumin neih a ni.

IWMP Champhai hnuaiah hian project pasarih kalpui mek niin khaw 28 a tuam a. Heng khuate hian ram lamah hnathawhna tur compact area neiin huan lo ram an siam a, ram lama hnathawk thei lo ten Self Help Group dinin a pung awm lovin pawisa puk tir an ni a. Self Help Group-te hian vawk leh arte an vulh bakah dawr te siamin bank account-te hawngin hma an la a. IWMP-I huamchhungah hian kumin 2016 hian Dulte khua chuan tlangram lo neih bansanin compact area-ah sum chang thei thlai ching in eizawnna an buaipui a. Kawlkulh khuaah in 80 in lo number pawt lovin compact area-ah eiawnna kawng an buaipui bawk.

Training hi State Institute of Rural Development, Kolasib-a mithiam ZR Thafala leh Dr Lalhruaitluangi te'n an pe a. IWMP (Integrated Wateshed Management Programme) in a tum ber chu lei lung hang tha luangral tur ven te, thingtlang khuaa eizawnna ngelnghet siam te, tui hna humhalh leh siam belh bakah ram bua tawh te siam thar a ramngaw thar siam leh te a tel a ni.