4525/2024-2025
Champhai, 4th March 2025: Chief Minister's Bana Kaih Inventor's Challenge hnuaiah 'Open Category for Hardware Innovation' chu Champhai District tan buatsaih a ni dawn a. He Inventor's challenge hi India khua leh tui Champhai District-a chengte tan hawn niin themthiamna hmanga khawl emaw thil thar hmantlak siam chhuah hmangin inelna hi neih tur a ni a. Intihsiakna atan hian khawl siam dan tur idea chauh emaw, khawl siam tawh (prototype) emaw pawh pawm a ni.
Lawmman Pakhatna- ₹ 25,000
Lawmman Pahnihna -₹15,000
Lawmman Pathumna-₹ 10,000
Intihsiakna-a tel turte chuan March ni 5, 2025 (Nilaini) ral hmain link tarlan https://docs.google.com/forms/d/e/1FAIpQLSdbNhmo_iOyvoK5izuDdMoBRkI45lsgPbJrBeZGx_zGzdGuFA/viewform-ah hian registration tih tur a ni.
DC Office, Champhai kaihhruainain intihsiakna hi March Ni 13-ah hian neih tur a ni a. District-a a tha zual thlan chhuah te hian State Level-ah intihsiakna hmachhawn lehin Seed Fund cheng Nuai 8 thleng an dawng thei dawn a ni.
Hriat tur pawimawh te:
1. Khawl siam chhuah tur chu thil thar/ tih dan thar (innovative idea) a ni tur a ni.
2. Thil awm tawh sa pho chhuah nawn emaw, mi siamsa entawn a rem lo ang.
3. Intihsiakna dang - Innovation competion, PUM etc a lawmman la tawh khawl te chu telpui a rem lo ang.
4. Thil dang awm tawh sa te lak atanga a danglam bikna chiang taka tih lan tur a ni.
5. Khawl siam dan tur idea chauh emaw, khawl siam tawh (prototype) emaw pawh pawm a ni.
6. District tina ti thate chu March 25-27 chhungin State level-ah an inel leh ang.
