4526/2024-2025

Kolasib 4th March, 2205 : Vawiin chawhma dar 11:00 khan Kolasib DC Conference Hall-ah District Skill Development Plan 2025-2026 siam dan tur chungchangah District Skill Development Committee(DSC) te'n thutkhawmna an nei a. He hun hi Pu Lalmuanpuia, MCS, Project Director, District Rural Development Agency (DRDA) chuan a kaihruai a ni.

District Skill Development Plan hi kumtin neih thin niin vawiina Kolasiba District Skill Development Committee (SDC) thutkhawmna ah pawh hian kum 2025-2026 chhunga Kolasib District chhunga eizawnna tlak thiamthil hrang hrang mipuite a chhawpchhuah dan tur ngaihtuah hona neih a ni a. Sawrkar hmalakna hnuaia Skill Development leh Training-na hmunte chak zawk leh tha zawka kalpui dan tur sawihona hun hman a ni bawk.

Pi Zorinsangi, Sub-Deputy Commissioner leh District Skill Development Committee, Member Secretary ni bawk chuan he thutkhawmna ah hian Kolasib District chhunga Skill Development Plan hnuaia Sawrkar Department hrang hrang hmalakna awm tawhte Report a pe a. Skill Development Plan tha tak siam a nih theih nana Kolasib District dinhmun zirchianna Report felfai tak District Skill Development Committee(SDC) in a lo siam tawh chu phochhuahna hun a nei bawk a ni. 

Vawiina Skill Development Committee neihna ah hian khawtlanga mi chanhai zawkte khaichhuahna tur Scheme DAYNULM leh Vocational Course hrang hrang-te Kolasib District-a kalpui dante zirchianna hun neih a ni a, he hunah hian Sawrkar hnuaia Skill Development lama Allied Department hrang hranga hotute an kalkhawm thei a ni.