SSA Champhai buatsaihin vawiin khan Champhai District huamchhunga zirna school zawng zawngah Cleanliness Observation Day hman a ni a. Champhai Kahrawt Field-ah District Level Programme hman niin, Champhai District SSA Block 4 theuh Primary leh Middle School School fai ber pathum thlanchhuahte hnenah lawmman sem anih bakah, Faina lam hawia lem inziah siak a titha 3 thlanchhuahte hnenah lawmman sem a ni bawk.

Champhai District huapa Cleanliness Observation Day hmanna hi District SSA Deputy DPC Pu H. Lalhminghlua'n kaihruaiin, Champhai SDEO Pu C. Lalbiakzauva chuan thu sawiin, India ram leh a chhunga cheng mipuiten faina leh thianghlimna lamah hma kan sawn theihna turin he Ni hi hman a nih thu a tarlang a. Khawsak fai leh thianghlim hian mimal, khawtlang leh ram hriselna leh changkanna a kentel vangin mitinten faina hi ngaih pawimawh a tul thu a sawi bawk.

District SSA DPC Pi K. Lalsiamliani chuan Champhai District chhunga School fai ber thlanchhuah pathum (3) te :

1. Govt. Samthang Middle School,

2. Govt. Rabung Priamry School 1 leh

3. Govt. Hliappui Middle School te hnenah lawmman a sem bakah Faina lamhawi a School naupang lemziak intihsiak a a thiam 3 thlanchhuahte hnenah lawmman a sem a. Champhai BRCC Pu C. Ralkapzauva'n Champhai Block huama School fai 3 thlan chhuahte hnenah lawmman a sem bawk.

Vawiin a kalkhawm zirlai 400 rualten Kahrawt Field leh a chheh vel thenfai hnatlang an neih zui bakah Champhai District huama Primary leh Middle School zawng zawngten school leh vangtlang hmun pawimawh thenfai hnatlang an nei bawk.