Ministry of Finance, Government of India-in state tin hman tura a duan National Skill Qualification Framework (NSQF) Mizorama-ah tihhlawhtlin a nih theih nana kalpui zel dan tur ngaihtuahin vawiin chawhnu khan Planning Department Conference Room ah Pu Haukhum Hauzel, Member Secretary (i/c Skill Development), State Planning Board hovin department officer te an thukhawm.

NSQF-in a tum ber ram khat - tehna pakhat a awm theih nan mi tupawhin eizawnna tlak thiamna a zirchhuah theih nan department hrang hrangte chu anmahni hma zawn theuhvah NSQF pawm theih zawnga hma lak a tulna te, NSQF pawm loh a nih chuan training chi hrang hrang atan funding pawh hmuh a harsat tawh tur thu te inhrilhfiah a ni a, hriatchian loh lai te inzawtfiahin NSDC atanga mithiam te chah chhuaka meeting neihpui ni se tih te an rel a ni.