Vawiin khan I&PR Auditorium, CHANEM Building Champhaiah Accounts & Treasuries Department , Aizawl buatsaihin Champhai District huam chhunga Drawing & Disbursing Officers (DDO) leh New Pension Scheme (NPS) Dealing Staff te tan NPS chungchanga inzirtirna ‘Sensitization Training on New Pension Scheme’ neih a ni.

Training ah hian NPS chungchanga thil hriattur pawimawh hrang hrang leh NPS kaihnawiha form hrang hrang fill up dan powerpoint hmanga entir leh zirtirna neih ani a. Kalkhawmte hnen atanga zawhna hrang hrang awmte chu chhanna leh sawihona neih ani bawk. NPS hi 12.09.2010 leh a hnu lama Mizoram Sawrkar hnuaia a ngheta lut/lak te hman tur  niin Accounts & Treasuries Department, Government of Mizoram chu Nodal Office/Department a ni.

Report atanga a lan danin tunah hian Mizoram Sawrkar hnuaiah NPS Subscriber 5200 awm mekin, Drawing & Disbursing Officers (DDO) 723 an awm a . Hetih lai hian Accounts & Treasuries Department in nikum lama NPS bik a tana DDO login ID leh password la chhuak tura an thawn chhuah chu DDO tlemte chauhin an la la chhuak tih tarlan a ni a , hei hi DDO zawng zawng ten ngai pawimawha DDO login ID leh password hi la chhuak theuh turin NPS Official lo kal te chuan DDO te an ngen ani. NPS a tana DDO login ID leh password hi pendrive kengin DDO emaw Office Staff emaw kalin Accounts & Treasuries Department Office, Chanmari, Aizawl atanga lak chhuah theih ani a. Hemi DDO login ID leh password hmang hian DDO te chuan anmahni  Office theuha NPS hmangtu hnathawk zawng zawngte NPS Account chu thlatin an vil sak tur ani.

Training hi Pi Lalfakzuali Rokhum, Treasury Officer, Champhai Treasury in a kaihruai a, Pu F Malsawmkima leh Pi Bernadeth Lalhmangaihtluangi Assistant Auditor ve ve te in zirtirna chipchiar takin an pe a, Pi Esther Leihang, Assistant Director (NPS) Accounts & Treasuries, Aizawl in lawmthu sawina in hun a khar  ani.