1424/2023-2024

Champhai the 9^th August, 2023 - Naupang kum 1 atanga 19 inkarte hnena rulhut hlo pek beihpui leh rulhutin a nghawng thalote inzirtina hun, National Deworming Day (NDD), 2023 thawhhnihna chu District dangte rualin Champhaiah pawh August ni 10-17, 2023 chhungin neih ani dawn. Undivided Champhai District tana target hi naupang 52,610 an ni.

Naktuk August ni 10, 2023 chawhma dar 11 hian GM High School, Vengsang-ah Deputy Commissioner & Chairman, NDD Pu James Lalrinchhana hovin launching program neih a ni dawn a.

August ni 10-17, 2023 chhung hian District chhunga zirna in hrang hrangah rulhut hlo Albendazole tablet a huhovin ei a ni dawn a, zirna ina in enrol lo te chu ASHA-ten an inah kal chilhin an pe dawn a ni.

Rulhut pai hian hriselna lama harsatna hrang hrang - Thisen tlakchhamna, taksa tana chaw tha tlakchhamna, chaw ei tui lohna, chauh leh hlauhthawnna, pumna, luak chhuak, kawthalo te thlen thei a. Naupangte rulhut laka anlo fihlim ngei theihnan NDD 2023 hi ngai pawimawh a, kan fa te rulhut hlo ei tir ve ngei turin Champhai District Level Coordination Committe on NDD chuan District mipuite a sawmin a ngen a ni.