4361/2024-2025

Champhai, 20th February 2025:  Vawiin khan Mizoram hmun dang te rualin Champhai District-ah pawh sawrkar flagship policy ‘Ban a Kaih’ hnuaia sawhthing lei leh hralh chhuah thawhkhatna bulṭan a ni a. Champhai District Agriculture Marketing Committee (DAMC) kaihhruaiin District chhunga Secondary Collection Center 10  ah sawhthing lei thawhkhatna hi March ni 20 thleng kalpui a ni ang.

Vawiin tlai dar 3 thleng khan Champhai District chhunga Secondary Collection Centre 6, heng - Farkawn SCC, Khuangleng SCC, Vaphai SCC, S. Khawbung SCC, Mualkawi SCC leh Ramhrangkawn Champhai SCC kaltlangin sawhthing Qtls. 1274.81 lak khawm a ni a.  Heng Secondary Collection Centre hnuaia khaw hrang hrang sawhthing hralh dan chu hetiang hi a ni - Vaphai Qtls 75.42, Chawngtui 117.38 Qtls, Samthang 12.24 Qtls, Khawbung 106.63 Qtls, Khuangthing 15.5 Qtls, Zawlsei 57.28 Qtls, Bungzung 76.11 Qtls, Dungtlang 34.51 Qtls, Khuangleng 25.06 Qtls, Farkawn 109.37 Qtls, Khankawn 122 Qtls, Thekpui 123.16 Qtls, Thekte 138.15 Qtls, Hruaikawn 132 Qtls, leh N. Khawbung 130 Qtls te an ni.