4473/2025-2026

Champhai, dated 14th February, 2026: Ministry of Power, Government of India in February ni 9 aṭanga ni 23, 2026 chhunga  Mizoram hmun hrang hrangah “Smart Meter Pakhwada” hun chu hman tur a tih angin Champhai District Power & Electricity Department hmalaknain Champhai District-ah nimin leh vawiin khan hun hman a ni.

Nimin khan Chawngtui ‘E’, Hnahlan leh Tualchengah te hun hman niin vawiin khan Champhai Bazarpuiah smart meter chungchang mipui zirtirna an kalpui leh a ni. Smart Meter Pakhwada-ah hian mipuiin an hriat tur tul: Smart Meter chungchang te, awlsam zawka electric bill pekna PEDM Consumers App download a, hmang tangkai tura zirtirna te an nei a ni.

Smart Metering leh Prepaid System te hi hman a la nih dawn avangin Champhai District huam chhunga chhungkua zawng zawngte P&E Department App ‘PEDM Consumer’ App lo download vek a, a hman dan lo zir lawk vek turin P&E Department chuan a ngen a. Harsatna leh hriat duh nei tan office hun chhungin Electric Department office-ah zawhchian theih reng bawk a ni.